Anastasia Txernyavskaia piano-jotzaile errusiarra da, Sverdlovsken jaioa, gaur egungo Jekaterimburgon, Errusian. Lau urterekin piano ikasketak hasi zituen eta sei urterekin Sverdlovskeko goi mailako kontserbatorioa duten haurrentzako eskolan sartu zen.

Pianista kontzertista eta piano-jotzaile errepertoristaren lizentziatura lortu ondoren, Austriako Salzburgoko Mozarteum Unibertsitatean jarraitu zuen ikasten. Han graduondoko diploma lortu zuen Peter Lang eta Imre Rohmann maisuekin.

Karl-Heinz Kämmerling, Peter Feuchtwanger, Dmitri Bashkirov eta Zoltan Kocsis maisuen eskolak ere jaso ditu, besteak beste. Anastasia Chernyavskayak Jekaterimburgoko operan eta pianista errepertorista gisa lan egin zuen Salzburgoko Mozarteum Unibertsitatean.

Anastasiak, “Salzburger Kammersolisten” Salzburgoko Ganbera Orkestrarekin batera, errezitaldi eta kontzertu ugari eskaini ditu Austria, Alemania, Italia, Eslovenia, Suitza, Espainia, Hungaria, Belgika, Errusia, Txina, Brasil eta Argentinan, eta bakarlari gisa hainbat orkestrarekin aritu da.

Dmitri Liss, Dennis Russell Davies, Yoo-Kuk Lee, Manfred Jung, Francesco Attardi, Pedro Vázquez Marín eta John Emanuelson zuzendariekin kolaboratu du.

Obra klasikoez gain, konpositore garaikideen musika ere interpretatzen du.

Errepertorista gisa, klase magistralak eman ditu Italian, Austrian eta Alemanian, mundu mailan ospe handia duten opera-abeslariekin batera: Lauri Vasar, Grace Bumbry, Renato Bruson, Edda Moser eta Angelika Kirchschlager, besteak beste.

Duela gutxi artista gonbidatu gisa kolaboratu du Peter Ovtcharov, Vladimir Sverdlov-Ashkenazy eta Jongdo An pianistekin batera Italiako “Wilhelm Kempff-Robert Schumann Academy Positano” delakoan.

2019ko urrian, BOSeko bakarlariekin batera, Bilboko Orkestra Sinfonikoaren ganbera-musikako denboraldia inauguratu zuen Bilboko Euskalduna Jauregian. Gaur egun, bere musika-proiektuak eta Bilboko irakasle-lana uztartzen ditu.