Abeslari bilbotarra Lied eta Oratorioko Salzburgoko Mozarteum Unibertsitatean graduatu zen. Harrezkero, musika sinfonikoan, ganbera-musikan eta operan garatzen du bere lan artistikoa. Bakarlari gisa, Austrian, Alemanian, AEBn, Frantzian, Portugalen, Israelen, Marokon, Andorran eta Zipren aritu da, nazioan eta nazioartean ospe handia duten jaialdien esparruan. Oratorioak eta errepertorio sinfonikoa interpretatu ditu Marokoko Orkestra Filarmonikoarekin, Malagako Orkestra Filarmonikoarekin, Varsoviako Sinfoniarekin, Valleseko Orkestra Sinfonikoarekin, Bilboko Orkestra Sinfonikoarekin, Madrilgo Orkestra Akademikoarekin eta Euskadiko Orkestra Sinfonikoarekin batera.
ABAO-OLBEn Rigoletto, Carmelitas, Il Trovatore, Elektra eta Battaglia di Legnanoren ekoizpenetan parte hartu du, besteak beste. Gainera, Lieden errezitaldi ugari eskaintzen ditu Bartzelonako Caixa-Forum Auditorioan, Madrilgo Juan March Fundazioan, Salzburgoko Wiener Saalen, Leongo Auditorioan, Madrilgo Conde Duque Auditorioan, Bostongo Jordan Hallen, Tel Aviveko Enav Auditorioan eta Nikosiako Passydys Auditorioan. Switrecords diskoetxearentzat Roses de Gos CDa grabatu du eta Verso diskoetxearentzat Eduardo Morales Casoren La Nave de los Locos CDa.
Bere prestakuntza pedagogikoaren barruan, Patologiako eta Ahots Artistikoaren Errehabilitazioko Masterreko ikasketak egin zituen Alcalako Unibertsitatean, bere prestakuntza Espainiako eta Italiako foniatria- eta ahots-kongresuetan parte hartzearekin tartekatuz. Nabarmendu behar da Galdakaoko Ospitaleko otorrinolaringologia zerbitzuak ahotsaren patologiari eta neurolaringologiari buruz antolatutako II. ikastaro praktikoan hizlari gisa parte hartu zuela, eta ahotsaren zainketari buruzko online prestakuntza eman zuela Osakidetzarako (Euskal Osasun Zerbitzua).
Bilboko Musika Kontserbatorio Profesionalean kantu irakaslea da eta Bilbon kantu eta ahots artistikoko bere ikasketa zentroa zuzentzen du. Musika koralaren arloan, Bilboko Koral Elkarteko, Euskal Herriko Koru Zuzendaritzako Akademiako eta Kantabriako Koru Zuzendaritzako Akademiako kantu irakaslea izan da; baita irakasle gonbidatua ere Euskal Herriko Gazte Abesbatzarekin, Burgosko Orfeoiarekin, Durangoko Orfeoiarekin, Bilbao Musikako Abesbatzekin, Santanderko Abesbatza Gaztearekin, Bilbao Kameratarekin, Madrilgo Euskal Etxeko Orfeoiarekin, Bihotsak Abesbatzarekin, Santa Lucia Abesbatzarekin eta Abeskimu Abesbatzarekin. Era berean, Bilbao Musikan koralistentzako ahots-teknikako ikastaroak eta Bizkaiko Abesbatzen Federazioak (BAE) koru-zuzendarientzako prestakuntza ematen ditu.